Ranchi, Nailar:
Ka Directorate of Enforcement (ED) ka la pynmih ïa ka hukum ban khot hajir ïa u Myntri Rangbah jong ka Jharkhand u Hemant Soren ha kaba ïadei bad ka jingjia jong ka jingkamai spah beaiñ, la ïathuh ka kynhun tohkit ha ki nongthoh khubor. Kumba la ïathuh ka tyllong khubor, la ong ba ka kynhun ED ka la hukum ïa u Myntri Rangbah jong ka Jharkhand u Soren ba un ïasnohktilang ha kaba ïadei bad ka jingshah tohkit jong u halor ka jingjia jong ka jingkamai ïa ka spah kaba beaiñ ha ka 24 tarik, Nailar.
Hashwa, kata ha ka 14 tarik, Nailar, u Soren u la shah khot hajir ha ka kynhun ED ha kaba ïadei ba ka jingdonkti kumba la kynnoh ha ka kam bamsap kaba la long lyngba ka jaka-puta. Ha kaba ïadei bad kane, u Soren um shym la ïasnohkti bad ka kynhun tohkit namar kumba u la ai daw u la ong ba u bun kam eh ha kaba ïadei bad ka jingpynkhreh na ka bynta ka jingrakhe ïa ka Independence Day ha ka jylla.
