New Delhi, Nailar:
Ha ka jingphah hukum ba la pdiang ha u Risaw jong u snem 2022, ka HC ka la hukum ïa ka Municipal Corporation of Delhi ne kiwei pat ki kynhun trai jaka ba kin pyntikna ba ïa ka jingbit kaba donkam la ai sha ka BEL na ka bynta ban buh ïa ki Cables na ka bynta ki CCTV Camera hapoh ki saw taïew.
Ka Delhi High Court ha kine ki khyndiat sngi ba la leit ka la pyntip ba ïa ki 6,630 tylli ki CCTV Camera la buh ha ka nongbah naba la dep ban bishar bniah ha kaba ïadei bad ka jingkyrpad ha ka por ba la phah ha u snem 2012 ïa kaba la khmih bniah da ka ïingbishar hadien ka jingkyrpad jong kawei ka samla kaba la shah leh beijot ha ka bos kaba ïaid ha ka nongbah Delhi, ha ka 16, tarik, 2012.
Ka kynhun nongbishar jong u Chief Justice Satish Chandra Sharma bad u Justice Sanjeev Narula ka la ïathuh: “Ïa ka jingtip kaba bniah la dep ban btai shai ha ka jubab ha kaba la phah da ka Bharat Electronic Limited (BEL). Ka la ong ba ka la buh ïa 6,630 tylli ki CCTV Camera bad ki la don kumba 50 tylli ki Master Control Room ïa kiba la buh na ka bynta ban pyntreikam ïa ki CCTV”.
Ka kynhun nongbishar ka la ïathuh ba katkum ka jingpynshisha, ka jingpyntreikam ha ka ban buh ïa kine ki kor ki bor la lah ban pyndep.
