Mumbai, Nailar:
U President jong ka Nationalist Congress Party (NCP) u Sharad Pawar ha kawei ka sngi un sa sngewthuh ïa ka rukom synshar jong u Myntri Rangbahduh u Narendra Modi bad un sa ai ka jingkyrshan sha ka sorkar BJP kaba la lamkhmat da u Modi ha ka sorkar kmie bad kumjuh ha Maharashtra, la ong u heh nongïalam jong ka seng BJP ha ka jylla u Chandrashekhar Bawankule.
U la kren ïa kine ki kyntien ha ka por ba u la ïakren bad ki nongthoh khubor ha ka shnong jong u ha Nagpur ha ka sngi ba don ka jinglehkmen ban kynmaw ïa ka jingdap shi snem ka jingshakri jong u ïa ka kam kum u President jong ka seng BJP. Kumba la ïoh jingtip, la ong ba ki la don ki jingpynbor napoh ka kynhun seng jong u ban pynïasoh bad ka seng BJP.
Ha u Naitung, ki nongïalam jong ka seng NCP ba la lamkhmat da u pyrsa jong u Pawar ki la ïapait bad leit ban pynïasoh bad ka sorkar jong ka seng BJP-bad jong u Eknath Shinde ha ka jylla. U Ajit u la long u Symbud Myntri Rangbah bad ki 8 ngut ki MLA kiba la mih ryngkat bad u ki la shah thung kam ha ka Cabinet.
