Shimla, Nailar:
Ka sorkar kmie ka la pdiang ïa ka rai ban ai T. 200 klur kum ka jingsiew kaba ha shwa na ka National Disaster Response Fund (NDRF) sha Himachal Pradesh na ka bynta ban ïarap ha ka ban ai jingïarap sha ki briew kiba la shah ktah jur na ka jingwan hap jong u slap.
Ha kaba ïadei bad kane, u Myntri Rangbah jong ka jylla u Sukhvinder Singh Sukhu u la ong ba ka jingai jingïarap jong ka sorkar kmie ka long halor ka jingthmu ban ai jingïarap sha ki lanot kiba la ngat ha ka jingshlei um ha ka jylla, ha kaba u la ong ba kane ka jingmang kam pat biang na ka bynta ban pynbiang ïa baroh ki jingdonkam ha kaba ïadei bad ki jingmaramot halor ki jingshah pynjulor ne ki jingai jingïarap sha ki lanot.
Ha kaba ïadei bad kane u la kwah ban pyntreikam da ka mang pisa kaba kyrpang halor ki jingshah ktah na ka jinglong jingman jong ka suiñ bneng.
U Sukhu u la dawa ba la dei ban pyntreikam da ka jingïarap pisa kumba la pynbiang sha ki lanot kiba la ngat ha ka jingjia ba sngewsih ha Kedarnath bad Bhuj.
U heh nongïalam jong ka seng BJP u JP Nadda u la ong ba ka jylla jong u ka la shah ktah jur na ka jingbun ki jingduhnong kiba la wanjia na ka daw jong ka jingjur slap bad ka sorkar ka la dei ban trei shitom na ka bynta ban phah maramot bad ban pynbiang ki jingdonkam ha ka jylla.
