Chandigarh, Nailar:
Ki shipai ka tnat BSF bad ki pulit jong ka Punjab ki la kem ïa arngut ki nongkhaïi mar tuh kiba dei ki nong Pakistan na ki bynta jong ka International Border ha Ferozepur bad ïoh ban kurup kumba 29 kilograms u Heroin na ki hynnin ka sngi, la ïathuh ki heh shipai.
Uwei napdeng ki nongkhaïi tuh u la mynsaw na ka jingdei kuli hadien ba ki shipai BSF ki la siat ïa u kum shi bynta ban pynma ïa ki, la ïathuh shuh shuh ki heh shipai. Ki shipai ki la ïohi ba don ba ïaid ha ki bynta khappud bad la tip ba kine ki dei ki nong Pakistan ha ka por 2:45 hynnin ka step, la ïathuh u heh jong ka tnat BSF, ha kaba u la bynrap shuh shuh da kaba ong, ba ka tnat shipai BSF bad ki pulit jong ka Punjab ki la pynlong lang ïa ka jingleit thwet bad leit khynra harud jong ka wah Sutlej hajan ka shnong Gatti Matar ha ka miet shiteng synñia jong ka sngi U Blei bad ka lah sngi U Blei.
Ki shipai ki la ïathuh ba kine ki nongkhaïi tuh ki la rah ïa 26 song u Heroin. Ïa uba la mynsaw la pynkit sha ka jaka ai jingsumar, u la shah sumar namar ka jingshah siat na ka kti jong u, la ïathuh ki shipai BSF.
