Jammu, Nailar:
Khyndiat kynta hadien ba ka la don ka kaiphot kaba la ong ba ka India ka la pynlong sa kawei ka jingleit hiar thma ha Pakistan, ka tnat ïada ri hynnin ka sngi ka la kyntait halor ka jingpynshisha bad ka la ong ba ka tnat shipai Indian Army ka la pynpulom ïa ka jingthmu rungtuh jong ki nong Pakistan ha u Line of Control (LoC) ha Balakote Sectore kaba don ha Jammu & Kashmir.
Ha kaba ïadei bad kane, ka tnat ka la ïai ban da kaba ong ba kam shym dei ka jingleit hiar thma, kumba la pynshisha. Ka tnat ba dei khmih, ha ka jingthoh ba ka la phah, ka la ong ba ha ka step jong ka lah sngi U Blei, ki la don kumba arngut ki lehnoh ïa kiba la lap ha katei ka thaiñ da ki shipai kiba la pynjur ïa ka jingpahara ha ka por ba ki dang thmu ban rung tuh sha ki bynta jong kane ka ri lyngba u LoC sha ki bynta jong ka ri India, “da kaba shim kabu na ka jingthut ka suiñbneng, ka jingkahdum jong u lyoh, ka jingheh sañium bad na ka jingat jong ki lum bad ki them ka jaka ha ka thaiñ Hamirpur jong ka Balakote Sector.”
Hynnin ka step, ka la don ka kaiphot kaba la mih lyngba ki lad phah khubor kaba la pynshisha ba ki shipai ka tnat Indian Army sa shisien ki la leit ban hiar thma biang ha ki bynta jong ka Pakistan-occupied Kashmir.
