Bengaluru, Nailar:
Ha ka por ba dang jur bha ki kynrum-kynram kiba la mih ha kaba ïadei bad ka um na ka wah Cauvery sha Tamil Nadu, u Myntri Rangbah jong ka Karnataka u Siddaramaiah u la khot na ka bynta ka jingïalang jong baroh ki kynhun jong ki seng ha Vidhana Soudha ha ka sngi Balang.
Ha kane ka jingïalang, ki seng ka liang pyrshah ki la batai shai halor ki jinglong jingman kiba la mih ha kaba ïadei bad kane ka bynta, kynthup ha kaba ïadei bad ka jingïakhun katkum ki kyndon aiñ hapoh Supreme Court.
Ha ka por ba la don ka dorbar, u Myntri Rangbah u Siddaramaiah u la batai shai shaphang ka jingthmu jong ka sorkar ba kan thaw ïa ka kynhun nongmihkhmat jong baroh ki seng bad ban leit ïakynduh ïa u Myntri Rangbahduh u Narendra Modi ban ïakren halor ki jingeh kiba mih na ka jingïapher jingmut hapdeng ar tylli ki jylla, kata hapdeng ka Tamil Nadu bad ka Karnataka.
Ki nongmihkhmat kiba la ïashim bynta ha ka jingïalang ki kynthup ïa ki Myntri Rangbah barim kiba kynthup ïa u Gowda, bad u Jagadish Shettar. Shuh shuh la ïathuh ba kiba bun ki dkhot jong ka Members of Parliament (MPs) ruh ki la ïashim bynta ha ka jingïaphylliew jingmut.
