New Delhi, Nailar:
Kum shi bynta ban bteng halor ka jingthmu ban ïakhun pyrshah ha kaba ïadei bad ka jingkhaïi ïa u drok, ka Directorate of Revenue Intelligence (DRI) ka la kem ïa uwei u nongleit jingleit uba dei u nong Kenyahas haba ki la lap ba u la rah ïa u Cocaine ha IGI Airport, New Delhi, la ïathuh ki heh jong ka kynhun.Uwei pat u nong Kenya uba dei ban shim ïa utei u drok ruh u la shahkemlang kham hadien ha Mumbai, la ïathuh ki heh ka kynhun DRI.
“Haba la pynlong ïa ka jingtohkit, u nongleit jingleit uba la poi na Nairobi ha ka sngi Ba-ar, u la kyntait ba u la rah ïa ka song jong u drok. Ha kaba ïadei bad kane, haba ki heh ka kynhun ki la pynlong ïa ka jingwadbniah na kawei ka synduk thep tiar ki la lap ïa ka song jong u Cocaine ha kaba la antad ba u la don ïa ka jingkhia kaba 1,698 gram bad kumba la antad la ong ba u la kot sha kumba T.17 klur ha ka ïew bar ri,” la Ong ka jingthoh ba la phah da ki heh ka kynhun.
