Pune, Nailar:
U heh jong ka seng Nationalist Congress Party (NCP) u Sharad Pawar hynnin ka sngi u la ong ba kam shym la don kano kano ka jingpait hapoh ka seng bad u Symbud Myntri Rangbah jong ka Maharashtra u Ajit Pawar u dang ïai bteng ban long u nongïalam jong ka.
U la ong ruh ba ki la don kumba katto katne ngut ki nongïalam kiba la mih na ka seng NCP da kaba shim ïa ka rai ban leit pynïasoh bad kiwei pat ki seng saiñ pyrthei, hynrei ym lah ban ong ba ka la mih ka jingïapait hapoh ka seng.
U Pawar u la ïakren bad ki nongthoh khubor ha ka shnong jong u ha Baramati kaba don ha Pune distrik, shi sngi hadien ba ka khun jong u bad ka President ba mynta jong ka seng ka Supriya Sule ka la ong ba u Ajit Pawar u la long u heh nongïalam bad u MLA jong ka seng.
“Mynta, u (Ajit Pawar) u la ïeng ha la ka jong ka nongrim ban pyrshah ïa ka seng, bad ngi la phah ka jingmudui sha u Lamphang jong ka ïingdorbar bad mynta ngit dang ap ïa ka jubab jong u, la ong shuh shuh ka MP jong ka seng NCP ha Baramati ka Sule ha ka jingïakren bad ki nongthoh khubor.
