Ranchi, Nailar:
Ki la don kumba 9 ngut ki khynnah na Sahebganj distrik kaba don ha Jharkhand kiba la shah ïalam sha Delhi na ka bynta ka kam khaïi briew ki la shah pyllait na ka nongbah, la ïathuh ki pulit, hynnin ka sngi. Ïa kine ki khynnah kynthei kiba la shah pyllait la ïalam sha ka jylla da ka rel, la ïathuh shuh shuh u heh pulit. Ki bor sorkar jong ka Sahebganj distrik ki la ïoh jingtip shaphang ka jingshah pyllait jong kine ki khynnah bad ka la thaw ïa ka kynhun kaba hapoh ka jingkhmih jong ka Punam Kumari kaba long ka ophisar jong ka District Child Protection na ka bynta ban ïalam ïa kitei ki khynnah sha ka jylla na Delhi, la ïathuh u heh pulit.
“Ïa kine ki khynnah la ïoh ban pyllait na ki thaiñ khappud jong ka Delhi, kaba marjan bad ka Haryana bad ka Uttar Pradesh, da ka jingïarap jong ki pulit ka Delhi,” la ong ka jingthoh ba la phah da ki heh pulit. Ka Kumari ka la ong ba baroh kine ki khynnah kiba la shah pyllait ki la shong da ka rel ha ka sngi U Blei na ka bynta ban leit sha Sahebganj.
“Kine baroh ki khynnah kynthei kin sa shah kynthup ha kiba bun ki skhim treikam jong ka sorkar Jharkhand khnang ba kin ym ngat ne long biang kum ki lanot ki ban shah die biang,” la ong ka Kumari ha ka jingthoh ba ka la pyllait.
