Bengaluru, Nailar:
Ka sorkar jylla shen kan sa pynbna ïa palat 100 tylli ki thaiñ kum ki jaka ba shah ktah na ka jingrang tyrkhong namar ka jingduna palat jong u slap. U Myntri uba dei khmih ha ka liang ka rep ka riang u N Cheluvarayaswamy ha ka jingïakren bad ki nongthoh khubor u la ong ba la dep ban pynlong ïa ka jingkhmih bniah halor ki jingthung jingtep ha kylleng ki jaka jong ka jylla ba ki heh ba dei khmih ki la shah hukum ba ki la dei ban phah ïa ka kaiphot halor kane ha ka 30 tarik, Nailar.
Ha u bnai Nailar la khmih lynti ba ka sorkar kan sa pynbna ïa ki kyrteng jong ki thaiñ kiba shah ktah na ka jingrang tyrkhong ha ryngkat ka jingïatreilang jong ka sorkar kmie. Ki la don kumba 130 tylli ki thaiñ kiba la shah ktah na ka jingrang tyrkhong. “Ngim lah ban ñiew ïa ki ba ki dei ki jaka ba la ngat ha ka jingrang tyrkhong khlem da pynlong shwa ïa ka jingleit jurip bniah. Ki heh ba dei khmih ki la pynlong ïa ka jingleit khmih bniah ha kylleng ki bynta jong ka jylla bad ynda la lah ban pyndep ïa kane, ngin sa phah ïa ka kaiphot sha ka sorkar kmie. Ngin sa khmih bniah halor kane ha ka taïew banyngkong jong u Nailur,” u la ong.
