Shillong, Nailar 29
Ka Meghalaya Chess Association ha ryngkat ka jingïatrei lang bad ka tnat ïalehkai ka Sorkar Jylla, ka la pynkut noh ïa ka jingïalehkai chess ba la tip kum ka ‘Rapid Chess Tournament’ kaba shisngi ha ka 26 tarik mynta u bnai ha Govt. Girl’s Higher Secondary School Shillong ha ryngkat ka jingïadon lang u Swapnil Tembe (IAS) Director ka tnat Education & Literacy kum u kongsan.
Ïa katei ka jingïalehkai la phiah ha ki ar tylli ki kyrdan kata senior bad ka Under-15. Ki nongjop ha ka kyrdan ïalehkai Senior, ïa ka kyrdan ba nyngkong la ïoh rah da Ardhenu Mondal, katba ïa ka kyrdan ba-ar la ïoh da u Bobby Lyngdoh bad ba-lai da Gautam Chakraborty
Katba ha ka Under-15 la ïoh rah da Advitiya AG, ba-ar Devraj Dutta bad balai u Aurick kandar. Kane ka long kat kum ka jingpyllait ba u Publicity Secretary ka MCA u Bah R.Katrai.
