Saipung, Nohprah 22
Ka Lamyrsiang ka la long ka lahduh ha ka Super Division Football Tourna-ment kaba pynïaid da ka Saipung Block Sports Association (SBSA), hadien ba ka la lah ban pynliem noh ïa ka Pyrdung lyngba ka Tie-breaker da 4-2 kol.
Ha katei ka jingïakhun final kaba la long ha ka 20 tarik mynta u bnai, kitei ki kynhun ki la ïakhaid mad 1-1 kol.
Ka Pyrdung ka la ïoh ban pynkhih jar nyngkong eh ha ka minit kaba 9 lyngba u Phrangsngi Pakem, hynrei shwa ban wai u Jefferson Surong u la lah ban pynphai kylla na ka bynta ka Lamyrsiang ha ka minit kaba 90.
Da kane ka nam jop ka Lamyrsiang ka la ïohpdiang ïa ka song pisa kaba T.50 hajar tyngka ryngkat ka trophy, katba ka Pyrdung ka la ïoh T.30 hajar tyngka lem bad ka trophy. Ïa ka nam Best Goalkeeper la ïoh rah da u Sbing Chyrmang (Pyrdung SC), Player of the Tourna-ment ka leit sha u lissus Sujai (Lamyrsiang SC), Top Scorer sha u Sehgou-thang Tuboi (Mulait United) bad ka Player of the Match sha u Share Mukhim (Lamyrsiang SC).
U kongsan bad symbud kongsan ba ïadonlang ha katei ka sngi ki kynthup ïa u Bah Francis Swer bad Bah Dominic Pala ha ka jingdonlang u President SBSA, Bah Victor Suja nalor kiwei kiwei ki ‘riew rangbah ka thaiñ.
