Shillong, Nailur 03
Ki khynnah ïalehkai U-14 ka Meghalaya ki la sdang ïa ka lympung Sub-Junior National Football Championships kaba la long ha Malda, West Bengal da ka nam rem kaba heh.
Haba phai sha ka jingïalehkai kaba la long ha ka sngi U Blei, ki khynnah ka Meghalaya ki la shah pynliem noh da haduh 5-1 kol ha ka jingïakhun pyrshah ïa ki khynnah jong ka Uttar Pradesh.
Hadien kane ka nam rem, ka Meghalaya ka donkam ban khur jingjop ha ki ar tylli ki jingïalehkai kiba dang sah, kata pyrshah ïa ka SAI bad Karnataka.
Kumba ka long mynta, ki khynnah ka Meghalaya kin hap ban trei shitom namar kitei ki ar tylli ki jingïalehkai kiba dang sah, kin kham long kiba eh, namar kitei ar tylli ki kynhun ki dei kiba kham khlaiñ bor, hynrei watla katta ruh haba thoh ka sngi ban jop, ka jingjop kan wan beit, tangba na ka liang ki khynnah ka Meghalaya kin hap ban pynshitom bad pynkhreh bha ïa lade ha kitei ki ar tylli ki jingïalehkai.
