Jowai, Nailar 11
Uwei u briew uba kyrteng u Thawlynti Ryngkhlem na ka shnong Demthring, West Jaiñtia Hills ha ka 11 tarik Nailar u la mudui da ka ejahar sha ki pulit ka thanad Jowai, ha kaba ïadei bad ka jingshah rong tuh ka thuk thuk Royal Enfield Hunter 350 jong u kaba don ïa u registration number ML05-AC-9740 ha ki briew ki bym lah ban ithuh.
Ha ka ejahar, u Bah Thawlynti u la ong ba hynne ka step phyrngab jong ka 11 tarik Nailar, kata ha ka por kumba 2:30 ki la don ki briew ki bym lah ban ithuh kiba la wan rung jubor ha ka ïingsah jong u ha ka shnong Demtrhing bad rong tuh ïa kane ka thuk thuk jong u.
Kumta u buh ka jingkyrpad ïa ki pulit ba kin tuklar bad ïarap lem khnang ban lapdien biang ïa kane ka thuk thuk bad ruh ban kem ïa ki briew kiba donkti ha kane ka kam bymman.
La kyntu ruh ïa kino kino kiba ïohi ne don jingtip ha kaba ïadei bad kane ka thuk thuk kin sngewbha ban phone sha une u number:6909535912.
