Jowai, Nailur 03
Ka Jaiñtia Network So-ciety (JNS) Jowai bad ka Nehru Yuva Kendra Sang athan (NYKS) Jowai ki la rakhe ïa ka National Sports Day 2023 ha shnong Mupliang ha ka 29 tarik u bnai ba la dep.
Ïa ka jingïalang ha katei ka sngi la pynïaid da ka President ka Society Kong IP Lamare, kaba la batai ïa ka jingmut jong katei ka sngi bad ki mat treikam ka Society.
Ka la ong ba katei ka sngi ka dei ka jingdap snem jong uwei na ki rangïalehkai ba paw ka ri India ha ka Hockey, u Major Dhyan Chand.
Ki jingïalehkai ba la pynlong ha katei ka sngi ki kynthup ïa ka mareh, ballon race, candle race, phutbol bad kiwei.
La wan ïashim bynta da ki longkmie bad khynnah samla ka shnong bad ha kaba la sam ruh ïa ki khusnam sha ki nongjop ha ki jingïalehkai bapher bapher.
