Khliehriat, Nailur 04
Ka Molamanoh SC, Golden Lion FC, Wahïajer Narpuh SSC bad Dkhiah East SC ki la khur jingjop ha ka lympung ïalehkai Under-16 Football Tournament ba la pynïaid da ka East Jaiñtia Hills District Football Association (EJHDFA).
Kane ka la wan urlong hadien ba ki la khur jingjop ha ka jingïakhun kaba la long ha madan Artificial Turf, Khliehriat ha ka lah sngi U Blei.
Ha ka jingïakhun kaba nyngkong, ka Molamanoh SC ka la pynliem da 2-0 ïa ka Lad Dongwah SC. Ïa kine ki kol la thep da u Chanki Dkhar ha ka minit kaba 21 bad 30.
Ha ka jingïakhun kaba bud, ka Golden Lion FC ka la pynliem da 1-0 kol ïa ka Ehrang FC bad ïa kane ka shi kol la thep da u Esbunme Rymbai ha ka minit kaba 10.
Ha kawei pat ka jingïakhun, ka Wahiajer Narpuh SSC ka la pynliem da 3-0 kol ïa ka Nongthymme FC. Ïa kine ki kol jong ka Wahiajer Narpuh SSC la thep da u Mebanker Sumer ha ka minit kaba 28, Rechard Nongpluh u la the par kol ha ka minit kaba 52 & 69.
Haba phai sha ka jingïakhun kaba khatduh jong kane ka sngi, ka Dkhiat East SC ka la pynliem da 1-0 kol ïa ka Madan Pariang SC bad ïa kane ka kol la thep da u Iowankidame Nongtdu ha ka minit kaba 42.
