Shillong, Nailur 04
Kan dei ka sien kaba ar ba u Robert Lewandowski u la lah ban pyllait ïa ka Barcelona na ka jingshah rem hadien ba u la ïoh ban thep kol lyngba ka penalty hashwa ban kut ka jingïalehkai na ka bynta ban khur ïa ka jingjop da 2-1 kol pyrshah ïa ka Osasuna.
U Lewandowski u la ïoh ban mih madan shiphew minit hadien ba u Chimy Avila u la lah ban pynïakhaid na ka bynta ka Osasuna. Katba u rangïalehkai ‘dien ka Barcelona u Jules Kounde u la ïoh ban pynkhih jar ha ka kylla step.
Lyngba kane ka jingjop ka la pynlong ïa ka Barcelona ba kan duna tang 2 point ïa ka kynhun ba khlaiñ bor ka Real Madrid hadien ka wat kaba saw jong kane ka lympung.
U Lewandowski u la lah ruh ban thep kol na ka bynta ka Barcelona kaba la jop da 4-3 ia ka Villarreal ha ka taiew ba la lah.
“U long u rangthep kol ïa uba la kha ban thep kol,” la ong u coach u Xavi Hernandez shaphang ka Lewandowski, uba la lah ban pynurlong ïa ka Barcelona ban khur ïa ka jingjop ha u snem ba la lah hadien ba u la wanphai na Bayern Munich.
“Nga tharai um da ïoh bor bha mynta ka sngi, watla lada um shym la ïoh ban thep kol, hynrei ka long ka burom ïa u ba u la lah ban pynurlong ïa ka kynhun hashwa ban kut ka jingïalehkai. Kane ka kol ka la pynlong ïa ka kynhun ban khur ïa ka jingjop,” la bynrp u Xavi.
Ha kane ka jingïalehkai ha Pamplona la kynthup lang ïa ka jingïalehkai ha ka sien kaba nyngkong na ka bynta u Joao Cancelo bad u Joao Felix kiba la ïoh mih madan ha ka kylla miet. Kine ki rangïalehkai na Portugal ki la ïasoh (loan) sha ka Barcelona hashwa ban kut ka ïew ïathied rangïalehkai ha ka miet jong ka sngi Thohdieng.
Hashwa ban wai ka Osasuna ka la hap ban ïalehkai sa tang shiphew ngut ki rangïalehkai hadien ba u Alejandro Catena u la shah sei da ka red card na ka daw ba u la pynur ïa u Lewandowski hashwa ba un rah ïa ka bol ban ïakhun pyrshah ïa u rangapkol u Aitor Fernandez. Te kumta u Lewandowski uum shym la pynlehnohei ïa katei ka kabu ksiar lyngba ka penalty bad kaba long ka sien kaba ar mynta ka aïom.
