Jowai, Nailur 05
U Vijay Singh na Fittorium Gym, Shillong u la ïoh rah ïa ka nam ‘Over All Body Building Championship 2023 bad u Pynïoladmi Pala na Satar Gym Fitness Ummulong (West Jaiñtia Hills) u la ïoh rah ïa ka nam Over All Men’s Physique Championship 2023 jong ka rynsan pyni dohksah kaba tip kum ka 3rd All Meghalaya Amateur Body Building Championship Mr. Ironman Amateur 2023.
Ïa kane ka rynsan pyni dohksah la pynïaid da ka Jaiñtia Body Building & Fitness Association (JBB& FA) ryngkat ka jingïatreilang ka Meghalaya Body Building & Fitness Association (MBB&FA) bad WFF India ha District Library Auditorium Mynthong, Jowai ha ka sngi Saitjaiñ.
Ha ka liang ki kynthei ïa ka nam Women’s Fitness Championship 2023, la ïoh rah da ka Whitney L. Mawphlang na Genfit Gym, ba-ar ka Rophina Jasaiñ na Fitness First bad balai da ka Sawakani Lakiang na Body Mass & Fitness Gym Panaliar, Jowai.
Haba phai sha ka jingïakhun Men’s Body Building 55 Kg la jop da u Viany Colas Khar Byngar na Elite Gym, ba-ar u Zebedee W.R Jyrwa na Power House Gym bad balai da u Rajanikanta Deb Barma na Muscle Xcess & Fitness Gym.
Ha ka jingïakhun Men’s Body Building 60 Kg la jop da u Lalrem Mawia Sangma na Synergy Fitness Gym, ba-ar da u Bhalang Khongwir na Claudia Fitness Hub bad balai da u Ioanis Sangma na Urban Kinetic Gym.
Ha ka Men’s Body Building 65 Kg, la jop da u Ebenesar Khongsit na Genfit Gym ba-ar da u Richard Wahlang na Body Zoo Gym Shillong bad ba-lai da u Synta Shylla na Flex Jowai.
Ha ka Men’s Body Building kaba hapoh 70 Kg, la jop da u Vijay Singh na Fittorium Gym Shillong, ba-ar u Elnathan N. Warjri na Zoo Gym Shillong bad ba lai u Rapjan Hadem na Odc Fitness Center.
Ha ka Men’s Body Building 70 Kg shaneng, la jop da u Denzil Matthew Bang na Zoo Gym Shillong, ba-ar u Pritam Sunar na Gold Gym Jowai bad balai la jop da u Mintu Nath na Muscle Excess & Fitness Gym.
Ha ka jingïakop Denim Jeans Model Championship 2023, la jop da u Richard Wahlang na Zoo Gym Shillong, ba-ar u Ioanis Sangma na Urban Kinetic Gym bad balai da u Hamehun Passah na Flex Appeal Gym Jowai.
Ha ka jingïakop Men’s Physique 5.5 Below, la jop da u Pynioladmiki Pala na Satar Gym Fitness Ummulomg, West Jaiñtia Hills, ba-ar Richard Wahlang na Zoo Gym Shillong, bad balai u Lalrem Mawia A Sangma na Synergy Fitness Gym.
Ha ka jingïakop Men’s Physique 5.5 Above, la jop da u Akash Choudhary na Power House Gym, ba-ar u Vijay Singh na Fittorium Gym, Shillong bad balai da u Pritam Sunar na Gold Gym Jowai.
Ïa ki khusnam sha ki nongjop la sam da u kongsan u Bah Puramon Kynjing Doloi Elaka Jowai bad u symbud kongsan u Bah Chibor Najiar, Chief Engineer P.H.E ha ka jingdonlang u Waheh Shnong ka Mynthong u Lamphrang Pohktai, u Rikut N. Parien President barim ka JSU, u Treibor R. Suchen General Secretary JSU Central Body bad kiwei kiwei kiba shah khot sngewbha.
