New Delh, Nailur:
Ki pulit jong ka Delhi ki la buh ka jingkyrpad ïa ki briew ba kim dei ban leit sha India Gate bad Kartavya Path na ka bynta ki jingdonkam kum ka jingleit ïaid kai, ban leit shong Cycle bad ban leit bam khana ne shangkai sngewbha namar ka jingdon jong ka G20 Summit.
Kane ka jingïalang kan sa long ha ka 9 tarik, Nailur haduh ka 10 tarik, Nailur ha ka International Convention and Exhibition Centre Bharat Mandapam kaba dang shu dep shna thymmai kaba don ha Pragati Maidan.
Ha ka jingïakren bad ki nongthoh khubor, u Special Commissioner of Police (Traffic) u S S Yadav u la ong naba ka India Gate bad ka Kartavya Path ki la hap hapoh ki jaka ba la shah pyrkhing, ki pulit ka Delhi ki la buh ka jingkyrpad ïa ki briew ba kim dei ban leit sha kine ki jaka ha ka por ba don ka G20 Summit.
“Ngi la buh ruh ka jingkyrpad ïa ka DMRC (Delhi Metro Rail Corporation) ba kan pyntreikam ïa ki rel naduh ka por 4 baje mynstep khnang ban ym buh jingeh ïa ki briew,” u la ong.
