Shillong, Nailur 10
Ka kol ba la ïoh ban khyrwit da u Kaseem Al Zein ha ka minit ba 77 ka la biang pura ïa ka Labanon ban lah pynliem noh ïa ka India bad ban bat ïa ka kyrdan kaba lai ha ka lympung 49th King’s Cup 2023 kaba la long ha 700th Anniversary Stadium ha Chiang Mai, Thailand ha ka sngi U Blei.
Ka Lebanon, kaba la mad jingshah rem haduh arsien ha ka jingïakhun pyrshah ïa ka India kaba la long dang shen ha Bhubaneswar bad Bangalore, ha kane ka kynti ruh ka la long shisha kaba donbok, namar wat hadien ka jingshah ñion ha ki rangïalehkai shakhmat, hynrei ka la lah ban khanglad bad ruh khamtam na ka jingpynlehnohei ïa kiba bun tylli ki kabu ksiar da ki rangïalehkai ka India.
Ka India kaba la khur takma rnong ha u snem 2019, ha kane ka kynti ka la pynkut noh ïa kane ka lympung da kaba leit thylli sha la ïing. Lah ban pynkynmaw ba ka jingïakhun semi-final pyrshah ïa ka Iraq, watla ka India ka la shah pynliem noh lyngba kaj ingïashut tie-breaker hadien ba ka jingïalehkai ka la kut da mar 2 kol, hynrei kane ka jingshah rem noh ha kane ka jingïakhun jong ka India ka dei namar ka jingpynlehnoh ei ïa kiba bun tylli ki kabu ksiar ban pynkhih jar.
