Shillong, Nailur 10
Ki khynnah ïalehkai U-14 ka Meghalaya ki la hap ban hun noh ban khur ka shi point ha ka jingïa-lehkai ba khatduh jong ka lympung Sub-Junior Na-tional Football Champion -ships kaba la long ha Malda, West Bengal.
Ha kane ka jingïaleh-kai kaba khatduh bad kaba itynnad bha, ha kaba baroh ar liang ki la ïakhun tyngeh bad sei ïa la ki sap ki phong, pynban dei ka Meghalaya kaba la ïoh ban khyrwit ïa ka kol kaba nyngkong lyngba u Bantiplang Khongnoh ha ka minit kaba 23 bad haduh ba kut ka kylla step, ka Meghalaya ka la tam da shi kol.
Haba bteng ïa ka kylla miet, tang ha ka minit kaba 49, ka Kerala lyngba u Ummer Afaf Ca ka la ïoh ban pynphai noh ïa kane ka shi kol bad haduh ba kut ki la ïakhaid da mar shi kol.
Ha kane ka jingïaleh-kai, u Bantiplang Khong-noh u la ïoh ban khur ïa ka nam kum u ‘Player of the Match’.
Ka Meghalaya ha kane ka lympung, na ki 3 tylli ki jingïalehkai, ka la jop shisien, rem shisien bad ïakhaid shisien. Kumta ka la khur 4 point bad don ha ka kyrdan ba ar hadien jong ka West Bengal kaba la kamai 7 point bad don hakhlieh-duh ka miej ïakheiñ point bad ruh kaba la ïoh rung sha ka semi-final jong kane ka lympung, katba ka Meghalaya kan hap wan phai ïing noh.
