Jowai, Nailur 10
Ka West Jaiñtia District Badminton Association (WJDBA) ka la pynkut noh ïa ka lympung ïalehkai 14th District Open Badminton Championship 2023 kaba la long ha Seiñraij Indoor Sports Hall, Tpep Pale Jowai ha ka janmiet sngi Saitjaiñ.
U kongsan ha kane ka sngi u la long u Bah OH Toi, President ka Seiñraij Jowai uba la wan ban pynhap pyrda ïa kane ka jingïakop ha ka jingdonlang ki dkhot nongkitkam ka WJDBA kynthup ïa u President u Bah JM Pohsngap, General Secretary Bah M Nongpluh bad kiwei kiwei.
Ki kyrdan ïakhun ki kynthup naduh ka Women Single, Women’s Doubles, Men Single Open bad Men’s Doubles Open, Mixed Doubles, Men’s Singles 35+, Men’s Doubles 35+, 50+Men Single bad 50+Men Doubles.
Ha ka Women’s Doubles ïa ka nam lahduh la ïohrah da ka Josefina Dala Passah bad Balashembha Passah hadien ba ki la pynliem ïa ka Ibalari Siangshai bad Pretty Mary Sumer da 21-9, 21-19.
Ha ka Women’s Singles ïa ka nam lahduh la ïohrah da ka Ribhalang Passah hadien ba ka la pynliem noh ïa ka Balashembha Passah da 21-9, 21-18.
Ha ka Mixed doubles, ïa ka nam lahduh la ïohrah da ka Josefina Dala Passah bad Mebanker Shulai kiba la pynliem noh ïa u Deilang wa-O Nongpluh bad ka Ribhalang Passah da 21-12, 21-19.
Ha ka Men’s Singles Open, ïa ka nam lahduh la ïoh rah da u Mebanker Shullai hadien ba u la jop ïa u Deilang wa-O Nong-pluh da 21-11, 21-12.
Ha ka Men’s Doubles Open pat ïa ka nam lahduh la ïohrah da u Buromlangki Lakiang bad u Deilang wa-O Nongpluh hadien ba kila pynliem noh ïa u Mebanker Shullai bad u Gregoreo Passah da 21-8, 21-9.
Ha ka Men’s Singles 35+, ïa ka nam lahduh la ïohrah da u Da-u-ru Laloo hadien ba u la jop ïa u Peterson L Lamare da 21-18, 21-11.
Ha ka Men’s doubles 35+, ïa ka nam lahduh la ïoh rah da u Peterson L Lamare bad u Deymeniv Shullai hadien ba ki la pynliem noh ïa u Rimilan Passah bad u Da-u-ru Laloo da 10-21, 21-16, 21-11.
Ha ka 50+ Men’s Single, ïa ka nam lahduh la ïoh rah da u Teddy Laloo hadien ba ula jop ïa u Lanunsiama da 23-21, 15-21, 16-21. Katba ha ka 50+Mens double ïa ka nam lahduh la ïohrah da u Lalnunsiama bad Am-brose Gatphoh hadien ba kila pynliem ïa u Salan Paswet bad Teddy Laloo da 23-21, 21-16.
