Jowai, Nailur 10
Ka Iawmulong Nartiang Sports Club ka dei sa kawei ka kynhun kaba la lah ban pynthikna ïalade ban buh jaka ha ka quarter-final jong ka Second Division Football Tournament jong ka West Jaiñtia District Sports Association (WJDSA). Kane ka wan urlong hadien ba jop da 3-1 kol ïa ka Pynthorlangtein Sports Club ha ka jingïalehkai kaba long ha Kiang Nangbah Stadium ha ka sngi Saitjaiñ.
Ïa ki kol jong ka Iawmulong Nartiang Sports Club la ïoh ban khyrwit da u Sambirlang Nongtdeh ha ka minit kaba 52 bad 70 bad u Heini Phalangki ha ka minit kaba 71, katba ïa ka shi kol na ka Pynthorlangtein la thep da u Wanbiang Bang ha ka minit kaba 64.
Haba phai sha kawei pat ka lympung ïalehkai phutbol ïa kaba la tip kum ka Kesilroy Invitation Football Tournament ba la pynlong ha kane ka sngi, ka Rymbai Shkenshynriah Sports Club kala pynliem noh ïa ka Mookyrdup Sports Club da 3-1 kol.
Ïa kine ki lai tylli ki kol jong ka Rymbai Shkenshynriah la thep da u Ribiang Dkhar ha ka minit ba 57, u Chanmitre Thma ha ka minit ba 61 bad u bad u Kynsai Lhuid ha ka minit ba 89 katba ïa ka shi kol jong ka Mookyrdup la thep da u Damang Kharbangar ha ka minit ba 11.
Kumta lyngba kane ka jingjop, ka Rymbai kala ïoh ban rung sha ka jingïakhun quarter final jong kane ka lympung.
