Amaravati, Nailur:
Ym slem hadien ka jingshahkem jong u Myntri Rangbah barim ka Andhra Pradesh u Chandrababu Naidu ki nongkyrshan jong u ki la khot pynlong da ka jingïakhih kaba jur ha ka sngi ba la khot pynlong da ka jingïakhih ban pyrshah halor ka jingshah kem bad ka jingshah set patok jong u.
U Naidu u la shahkem ha ka kynhun Criminal Investigation Department (CID) ha kaba ïadei bad ka jingshah kynnoh donkti ha ka kam bamsap kaba la mih na ka Skill Development Corporation.
Ka kynhun CID ka la kem noh ïa u Naidu ha Nandyal, la ïathuh ka seng Telugu Desam Party (TDP) ha ka sngi Saitjaiñ.
U Naidu u la dei ban shong along da kumba 14 sngi kumba la rai pynshitom da ka Vijayawada ACB Court. Ka ïingbishar ka la buh shwa halor ka jingkyrpad ban set along hapoh ka ïingsah jong u heh ka nongïalam jong ka seng TDP.
Ha kaba ïadei bad kane ka jingshahkem jong u nongïalam, ka seng TDP ka la khot pynlong da ka jingïakhih hynnin ka sngi ha Andhra Pradesh.
Ha kane ka sngi kumba la sakhi, la ong ba ki nongkyrshan ki la thang ïa ki shaka kali, ki la pynjulor ïa ki bos paidbah bad kumjuh ruh ïa kiwei pat ki kali ha ka por ba don ka jingïakhih.
