Imphal, Nailur:
Ka seng Congress kaba long ka liang pyrshah ha Manipur ka la kynnoh ïa ka seng BJP kaba bat ïa ka jingsynshar ha ka jylla ba ka lamkhmat da u Myntri Rangbah u N Biren Singh ba kam lah ban leh eiei ha kaba ïadei bad ka jingai jingïada ïa ki riewpaidbah.
Ha ka jingïakren bad ki nongthoh khubor, u President jong ka seng Congress ha Manipur u K Meghachandra u la buh ka jingkylli ïa ka seng BJP ha kaba ïadei bad ki sienjam ba ka la shim na ka bynta ban pynshitom pyrshah ïa kito ki shipai kiba la shah kynnoh donkti ha ka jingïap jong arngut ki riewpaidbah bad ka jingmynsaw jong palat 80 ngut ki briew ha kaba kham bun na kine ki dei kiba ha Meira Paibis, kaba don ha Pallel ha ka jingjia kaba la jia ha ka 8 tarik, Nailur ha Manipur.
Ka seng Congress ha Manipur ruh ka la dawa da ka jingtohkit ka ïingbishar halor ka jingïap bad ka jingmynsaw jong ki riewpaidbah ha Pallel.
