Jowai, Nailur 11
Ka Chutwakhu ka la rung sha ka quarter final jong ka lympung ïalehkai 2nd Division Football Tournament na ka bynta ka 6th Debo Memorial Trophy Shullai, katba ka West Madan Mustem bad ka Pynthorlangteiñ namar ka jingbym lah ban ïalehkai bha ha kane ka aïom ki la shah pynhiar noh sha ka Third Division.
Ïa kane ka lympung ïalehkai la pynïaid da ka West Jaiñtia District Sports Association (WJDSA) ha madan Kiang Nangbah Stadium Ladthadlaboh Jowai.
Haba phai shaka jingïakhun pre-quarter final kaba la long haka lah sngi U Blei, ka Chutwakhu ka ka pynliem ïa ka Dongmihsngi da 3-2 kol. Ïa ki kol jong ka Chutwa -khu la thep ar kol da u Roplin Ramut ha ka minit kaba 5 & 65 bad kawei kaba la thep bakla da u Sooki Lamare na ka Dongmihsngi ha ka minit kaba 76. Katba ki kol jong ka Dongmihsngi la thep da u Ewanmida o Langstang ha ka minitk kaba 37 bad u Samha oo Ksoo (80).
Ka jingïakhun quarter final kaba nyngkong kan long ha ka 13 tarik Nailur hapdeng ka Lion pyrshah ïa ka Ïawmulong Nartiang ha ka por 11:30 baje mynstep.
Ha ka 14 tarik ka jingïakhun quarter final kan long hapdeng ka Shangpung Khliehmuchut pyrshah ïa ka Khliehmynkrem haka por 11:30 baje mynstep.
Ha ka 15 tarik ka Maitchaphrang Mootyrchiah pyrshah ïa ka Chutwakhu ha ka por 11:30 baje mynstep.
Ha ka 16 tarik ka Lumpariat pyrshah ïa ka Mooknor Thadmuthlong ha ka por 11:30 baje mynstep.
