Bhopal, Nailur:
Ïa ka seng ‘Janhit Party’, ka kynhun ka ban don bynta hapoh ka kam saiñ pyrthei la dep ban pynbna da u dkhot barim jong ka RSS.
Ka seng ka la don jingthmu ban nang pynbun ïa ki seng saiñ pyrthei khnang ban lah ban nang pynbha shuh shuh ïa ka jingsynshar hashwa ka ilekshon ka ban sa long ha bakut artad une u snem ha Madhya Pradesh.
Ka seng haduh mynta kam pat pynrung kyrteng ïa kane ka kynhun hynrei ka la khmih lynti ban lah ban pynbun ïa ki vote na ki nongbud ba shitrhem jong ka seng BJP.
Ka kynhun jong ka kam saiñ pyrthei jong ka Madhya Pradesh ka la thmu ban wanrah sa kawei ka lad naba ka kynhun barim jong ka seng Rashtriya Swayamsevak Sangh (RSS) ka la pynbna ïa ka rai jong ki ban thaw ïa ka kynhun bathymmai ha ka kam saiñ pyrthei ka Janhit Party.
Kane ka jingpynbna ka la long hashwa ban pynlong ïa ka ilekshon hashwa ban kut une u snem ha Madhya Pradesh bad la khmih lynti ban wanrah ïa ki jingkylla ha kaba ïadei bad ki rukom pyntreikam ha ka kam saiñ pyrthei ha ka thaiñ.
“Ngi la wanrah ïa ka seng Janhit Party naba kiwei pat ki seng saiñ pyrthei ki long pyrshah ïa ka tynrai jong ka synshar paidbah. Baroh kim shym lah ban leh ei ei halor kane,” la ong u Abhay Jain, uba long u nongïalap barim jong ka RSS, ha ka por ba u la ai jingkren ha ka jingïalang bad ki nongthoh khubor bad ki para dkhot barim ha Misrod, hajan ka nongbah Bhopal.
