Bhopal, Nailur:
U MLA jong ka seng Congress bad u heh jong ka Congress Campaign Committee u Kantilal Bhuria u la ong ba ïa ki Yatra la ju pynlong na ka bynta ban pyntip bad pynbha sha ki paidbah shaphang ka jingbym donkam-donjam, ka jingdon jong ka kam bamsap, bad ka jingdon jong ka jingban beiñ ïa ki riewlum bad ïa ki Dalit ha ka jylla ba synshar ka sorkar BJP.
Ha kaba ïadei bad ka jingïohi jngai halor ka ilekshon Assembly ha ka jylla ka Madhya Pradesh Congress kan sa pynlong ïa 7 tylli ki ‘Jan Aakrosh Yatras’ ha ki 7 tylli ki thaiñ bapher bapher, la ong ki heh ba dei khmih jong ka seng. Ka jingpyntreikam na ka bynta kan eka la ïai bteng.
Ïa ki Yatras la pynlong kum shi bynta ban nang pynkhlaiñ shuh shuh ïa ka ‘Jan Ashirwad Yatra’, da ka seng Bharatiya Janata Party (BJP) ha ka jylla Madhya Pradesh ka ban pynlong ïa ka ilekshon.
Ka seng BJP ka la pyllait paidbah ïa ka ‘Jan Ashirwad Yatra’ na Neemuch ha ka lah sngi U Blei jong ka taïew ba lah lah.
U Bhuria u la ong ïa ki Yatra yn sa sdang ban pynlong ha ka 15 tarik, Nailur.
Ki 7 ngut ki nongïalam jong ka seng Congress ki kynthup ïa u Kantilal Bhuria na Mahakaushal, u nongïalam jong ka liang pyrshah ha ka Ïingdorbar ha ka jylla u Dr Govind Sing na Gwalior Chambal, u Jitu Patwari na Malwa, u Ajay Singh Rahul na Bundelkhand, u Arun Yadav na Nimad, u Suresh Pachauri na Narmadapuram bad u Kamleswar Patel na Vindhya, kin sa lamkhmat ïa ki 7 tylli ki Yatra, u la ong.
