Srinagar, Nailur:
Ki shipai ïada khappud ki la lap ïa u tiar uba long kum u bom IED na ka thaiñ Pattan jong ka Jammu & Kashmir ha ka lah sngi U Blei, ha kaba hadien kane ïa ka surok bah Srinagar-Baramulla la khang shwa shipor, la ïathuh ki heh pulit.
Ïa une u tiar ba la suba ba u dei u bom, la buh ha ka pla, ha kaba la lap da ki shipai na Hanjiveera ka jaka kaba don ha ka surok bah ha ka por ba dang step bha jong katei ka sngi, la bynrap shuh shuh ki pulit. Ki shipai ki la ïathuh ba ha ka por ba ïa ka surok bah la khang shipor kum shi bynta ban buh jingshngaiñ ïa kiba bun, la khot ïa ka kynhun pynlip bom bad ban khmih bniah ïa une u tiar ba la i kumba u dei u bom IED.
Ka kynhun pyllip bom, haba ka la poi ha katei ka jaka ka la rah ïa ka pla ba don utei u tiar ba ka la pynduhbor noh khnang ban lait na ka jingbthei bad ka jingwanrah ïa ki jngjulor, la ïathuh shuh shuh ki heh pulit.
