Guwahati, Nailur:
Ki la don kumba 175 ngut ki briew kiba la ïap, 1,118 ngut ki la mynsaw bad 33 ngut kiba dang jah kat haduh mynta naduh ba la jia ki jingkynad ha Manipur naduh ka 3 tarik, Jymmang, la ïathuh ki pulit jong ka jylla.
Ki la don kumba 96 tylli ki metïap ïa kiba ym pat don nongleit kam ha ki jaka buh metïap, la ïathuh ki pulit.
Ka sorkar jylla ka la pyllait ïa kumba katto katne ki bynta kiba kongsan na ka bynta ban lah ban ïakhun pyrshah ïa kine ki jngeh kiba mih ha ka jylla, ha kaba ka la bteng da palat saw bnai wat lada ka sorkar ka la ïaleh ban pynphai biang ïa ka jingsuk ha ka jylla.
Ki la don kumba 5,172 tylli ki jingjia jong ki jingshah thombor kiba la mih ha ka jylla, kiba kynthup ïa ki 4,786 tylli ki ïing bad 386 tylli ki jaka mane blei, kiba kynthup ïa 254 tylli ki ïing mane bad 132 ki jaka mane blei ki Hindu.
Ki la don kumba 5,668 tylli ki tiar siat ïa kiba la shah lute na ka jylla naduh ba la sdang ki jingïakynad.
Na kine baroh ba la kurup, ki shipai ïada ri ki la ïoh ban kurup ïa kumba 1,329 tylli.
Sa kumba 15,050 tylli ki kuli siat bad 400 tylli ki bom la ïoh ban kurup. Ki shipai ïada ri ki la pynjulor ïa kumba 360 tylli ki jaka rieh kiba la shna beaiñ ha ka jylla, la ong ka jingthoh hadien ba la dep ban lum jingkheiñ.
Ïa ki jingker kiba la buh hapdeng ki shnong Phougakchao Ikhai bad Kangvai kiba la long ha ka jingjngai kaba 1 km ha ki bynta ka surok Imphal-Churachandpur, la weng noh ha ka sngi Palei.
