Srinagar, Nailur:
Uwei u shipai u la jah rngai na ka jaka ba la mih ka jingïasiat bad ki lehnoh ha kaba kane ka jingpyntreikam ka dang bteng ha Anantnag distrik ha Jammu & Kashmir ha kaba arngut ki heh shipai lem bad u Deputy Superintendent of Police (DSP) ki la shah pynïap ha ka sngi Balang, la ïathuh ki heh shipai.
Ka la don ka jingleit thwet kaba jur ban lap ïa ki lehnoh kiba la donkti ha ka ban hiar thma pyrshah ïa kine ki shipai, la ïathuh ki heh shipai. Ki shipai ïada ri ki la pynjur ka jingpyntreikam na ka bynta ban leit thwet lehnoh ha ki bynta jong ka khlaw Garol kaba don ha Anantnag, ha ryngkat ka jingïatreilang jong ki kynhun ba ju ïakhun pyrshah ïa ki lehnoh.
U Colonel Manpreet Singh, uba long u Commanding Officer jong ka kynhun 19 Rashtriya Rifles, u Major Aashish Dhonchak uba long na kajuh ka kynhun shipai bad u DSP Humayun Muzamil Bhat ki la shah pynïap ha ka jingïasiat.
