Gangtok, Nailur:
Hashwa ban don ka General Election 2024, ki la don palat 1300 ngut ki briew na ki seng bapher bapher kiba ha ka liang pyrshah bad na Zilla bad Gram Panchayat na Barfung bad na ki thaiñ ba marjan kiba la leit ban pynïasoh bad ka seng kaba bat ïa ka jingsynshar ha ka jylla ka Sikkim Krantikari Morcha Party ha ka prokram pynrung dkhot kaba heh ha Ravangla, kaba hap hapoh Namchi distrik.
Ka jingpynïasoh kaba bun tam sha ka seng Sikkim Krantikari Morcha (SKM) ka la long ha Rabongla Bazaar na ka bynta ka Barfung konstitwensi.
U Myntri Rangbah jong ka jylla u Prem Singh Tamang, uba long ruh u President jong ka SKM, u la pdiang ïa ki dkhot kiba thymmai sha ka seng. Da kane ka seng ka la don jingkyrmen ba ka seng kan nang kiew shuh shuh.
Katkum ka jingïathuh jong ka seng SKM, la ong ba ki la don kumba 1311 ngut ki dkhot na kiwei pat ki seng saiñ pyrthei kynthup ïa ki dkhot barim jong ka Panchayat ki la leit ban pynïasoh bad ka kynhun ba la bat ïa ka jingsynshar.
