Shillong, Nailur 17
Ka Chelsea bad ka Bournemouth ki la ïahun noh ban sam mar shi point ha ka lympung English Premier League (EPL) hadien ba ka jingïakhun ka la kut noh ha ka jingïakhaid khlem da don kiba lah ban pynkhih jar wat haduh ba kut jong ka por.
Lyngba kane ka jingïakhaid ka Chelsea ka dang ïoh khur tang 5 point na ki 5 tylli ki jingïalehkai bad ban don ha ka kyrdan kaba 14, katba ka Bournemouth pat ruh kumjuh ka dang kamai tang 3 point na ki 5 tylli ki jingïalehkai bad ban don ha ka kyrdan kaba 15.
Kumta ka jingïalehkai ban wan na ka bynta kine ki ar tylli ki club kin long shisha kiba kongsan, la kin lah ne kumno ban kyntiew ïa lade shajrong ha ka miej ïakheiñ point ne ba kin dang neh hajuh bad hiar sha trai.
Ka jingshah rem bad ka jingbym lah ban ïoh ka jingsdang ba paka ha kane ka aiom ba thymmai, kan buh jingeh wat ha ki manager jong kine ki club ha kaba ïadei bad ka lawei ka jong ki bad ka club.
