Shillong, Nailur 17
Ka kynhun ïalehkai kriket ki ‘thei ka Shillong Cric-ket Association (SCA) ka la ïoh ban ran ïa ka nam lahduh jong ka lympung Inter District Cricket Tournament U-19 Girls hadien ba ki lah ban pynliem noh ïa ka Ri Bhoi District Cricket Associa-tion (RBDCA) da 2 run kaba dang shu kut shen ha ka madan ïalehkai jong ka RBDCA ha Umbuda.
Ka jingïakhun ïa ka final hapdeng kitei ar kynhun ka la long shisha kaba itynnad bad kaba ïakhaid bormet bha ha kaba ki ‘thei ïalehkai kriket na baroh ar kynhun ki la ïakhun tyngeh ban ïoh ïa ka nam jop. Ka RBDCA ha kane ka jingïakhun ka la jop ïa kynting pisa bad kam trai shwa ban kawang bol nyngkong.
Ka Shillong Cricket Association, kaba la tied nyngkong ka la lah ban kamai run haduh 157 run na ki 35 tylli ki over bad ban hap 7 tylli ki wiket.
Haba mih madan ban beh ïa katei ka thong ba la buh da ka SCA, ki nong-tied ka RBDCA hapdeng ka jingïakhun kaba tyngeh ki la duna noh 2 run, kata ba kin lah ban kamai 155 run na ki 35 over bad hap 8 tylli ki wiket.
Ïa kane ka sngi pynhap pyrda ïa ka lympung jong ka Meghalaya Cricket Association ba la pynlong da ka Ri Bhoi District Cricket Association la wan ban sakhi lang da u Presi-dent ka MCA u Naba Bhattacharjee, u President ka RBDCA Bah Rayo-nald Kharkamni uba dei ruh u Vice President ka MCA, Bah Michael Khar -hunai Secretary ka RB-DCA, Bah Arwotki Sumer, Apex Council member MCA, Bah Mac-donald Kharsawian Presi-dent SCA n Apex council member MCA, Bah Dister Marbaniang President EKCA n Chairman tournament committee bad u Bah Disarius Kharmalki Secretary SCA.
Ha kane ka sngi nalor ka khusnam sha ka kynhun kaba jop bad ba rem, la sam ruh ïa ki khusnam shimet sha ki ‘thei ïalehkai cricket kiba kynsai, ka Ankita Sharma na ka kynhun RBDCA kaba la lah ban kamai haduh 83 run bad khur 2 wiket, ka la ïoh ban rah ïa ka nam ‘Best Player of the Tournament’ bad ka samla Neelam Roy jong ka SCA kaba la kamai 40 run bad khur 2 wiket ha ka final ka la ïoh rah ïa ka nam ‘Best Player of the Match’.
