Bengaluru, Nailur:
Kumba la dep ban wad bniah, la ong ba ki don 251 ngut ki nongrep kiba la pynïap hi ïalade ha Karnataka naduh u Ïaïong, ki dei kiba la ïakynduh jingeh na ki nongai ram bad na ki Bank.
Kaei kaba la pynlong ïa ki ba kin poi haduh une u pud ban dkhat jubor ïa ka jingim lajong? Hato ka dei ba kim lah ban siew ïa ka ram ne namar ka jingduhnong na ka jingshah pynjulor jong ki jingthung jingtep na ka jingtyrkhong um.
Kum shi bynta ban shim khia halor kane ka bynta jong ki jingeh ba la ïakynduh da ki nongrep ha kylleng ka jylla ha ka jingïalang kaba la long ha ki khyndiat sngi jong ka taïew ba la dep, u Myntri Rangbah jong ka jylla u Siddaramaiah u la hukum ïa ki Deputy Commissioner bad ïa ki CEO jong ki Zilla Panchayat ba kin ai da kaba tyngeh pyrshah ïa ki nongai ram-ai shah kiba la buh jingeh haduh katta katta ïa ki nongrep.
U la hukum ruh ïa ki ba ki la dei ban siew da ka bailutksan sha ki longïing jong ki nongrep kiba la ïap kum ha kine ki jingjia mar ïadep pyllait ïa ka thup kyrteng jong ki thaiñ kiba la shah ktah jur na ka jing-rang tyrkhong.
U Siddaramaiah u la batai shai da kaba ong ba ki la don tang kumba 174 tylli ki jingjia ba la lah ban pynbiang bad hukum ïa ki heh sorkar ba kin shim ïa ki sienjam na ka bynta ban sam ïa ki bailutksan sha kiwei pat ki longïing jong ki nongrep kiba la ïap da kaba pyndkut hi ïala kajong ka jingim, kham kloi katba lah.
