Shillong, Nailur 17
Haduh palat 210 ngut ki nongmareh ki la poi ban ïashimbynta ha ka Maw-lynnong Run Safari kaba ar ba la pynlong da ka Ministry of Tourism (North East) ryngkat ka jingïatreilang bad ka Meghalaya Tourism and Sportive ba la pynlong ha ka sngi Saitjaiñ.
Ki nongïamareh ba la ïashim bynta ki kynthup naduh ki shynrang, kynthei bad ki khynnah, kiba la ïashimbynta ha ka jingïa kop ba 25 kilometer, 10 kilometer bad 5 kilometer. Ki nongïashimbynta ki kyn thup naduh na Jammu, Chhatisgarh, West Bengal, Assam, Manipur bad kumjuh na Meghalaya.
Kaba kham pynlong kyrpang ïa kane ka jingïa-kop mareh ka dei ka jing-ïakhleh bun ki nongïa-shimbynta. Ki dkhot ka Yuva Tourism Club, ki samla pule, ki doktor, ki engineer bad wat ki long-kmie ki la shimbynta shitrhem. U Khynnah uba rit duh ba wan ïashimbynta dei u heprit Wanme-naki Jeremiah Nongrum ba dang 5 snem, uba la ïamareh lang bad ka kmie.
Kane ka marathon ym tang ba kan ïarap ïa ka rukom im ha ka lynti ba bha hynrei ka long ruh ka rynsan ban pynkhlaiñ ïa ka jingïadei hapdeng ka India bad ka Bangladesh. Ka pynshlur ïa ki briew ba kin ïakren ïakhana, ban ïalong paralok bad ban ïasam jingtip halor ki riti ki dustur.
Kane ka marathon ka dei ka sienjam bala shim da ka Ministry of Tourism ban kyntiew ïa ki kam jngohkai ha ki jaka khappud bad ki kam jngohkai ha ki jaka nongkyndong bad ki shnong ki thaw.
