Shillong, Nailur 17
Ka PFR Football Academy kaba long kawei na ki shlem ai jinghikai ïa ki khynnah ha ka phutbol hapoh jylla, ka la shah khot ban ïashim bynta ha ka Tezpur Challenge Cup Football Tournament ba la pynïaid da ka Tezpur District Sports Association ka ban sdang naduh 17 tarik Nailur haduh 24 tarik Nailur ha Tezpur, Assam.
Haba ïakren bad u President jong ka Aca-demy, u Bah Franky Kharumnuid u la ong ba ka long ka kabu ïa ka Senior Team jong ka academy ban ïoh ïashim bynta ha kane ka lympung kaba heh kaba wan ban ïashimbynta da ki club na kylleng ka ri bad kane ka lympung ka long ruh kum ka jingpynkhreh ïa ka Senior Team jong ka aca-demy ha shwa ban sdang ka 3rd Division Football League jong ka Shillong Sports Associa-tion ha une u bnai u ban wan.
“Kum ka kynhun kala pynkhreh bha na ka bynta kane ka lympung bad ngi kyrmen ruh ban ngin poi sha ka thong,” la ong u President.
Ka jingïalehkai ba nyng -kong jong ka PFR Academy ka dei ka quarter final ka ban long ha ka 20 tarik mynta u bnai ha kaba kan ïakhun pyrshah ïa ka Club kaba na Arunachal Pradesh ha ka por 3 baje janmiet.
Ïa kane ka kynhun yn ïalam da u Robin Nong-rum kum u Head Coach, u Amrit Rai kum u Asst. Coach bad u Franky Kharumnuid kum u Team Manager. Kane ka kynhun kan mih na ka Jylla ha ka 19 tarik mynta u bnai.
Na ka liang jong ki bor pynïaid ki kitbok kitrwiang ïa kane ka kynhun bad kyrmen ba kin ïoh kheit ïa u soh jong ka jingjop ha kane ka lympung, la pynkut u Bah Franky Kharumnuid.
