Jammu, Nailur:
Ki shipai ïada ri ki la lap ïa ka metïap kaba la ingkhong kaba dei jong u lehnoh na Anantnag kaba don ha Jammu & Kashmir hynnin ka sngi naba ka jingïasiat bad ka jingleit thwet lehnoh ka la bteng ha ka sngi kaba 6 haduh hynnin ka sngi, la ïathuh ka tyllong khubor.
Ha kaba ïadei bad ka jingkhmih bniah na ki jaiñ la ithuh ba kane ka metïap ka dei jong u lehnoh.
Ka jingleit thwet lehnoh ka la sdang biang ha kane ka thaiñ hynnin ka step, bad ka jingtrei shitom ka dang ïai bteng ban lap ïa ka metïap jong u shipai bad jong uwei pat u lehnoh, ïa kiba la ïohi ha kane ka thaiñ lyngba ka Drone ha kawei pat ka jaka.
Ha kaba ïadei bad kane ka jingjia, la sakhi ba kam shymla don shuh ka jingïasiat hapdeng kine ki arliang mamla naduh hynnin ka sngi.
Ka jingthombor ha Anantnag, ïa kaba la shim ïa ka jingim jong lai ngut ki shipai, la ithuh ba ka la long lyngba ka jingpyndonkam ïa ki tiar syntiat bad ki tiar siat kiba khlaiñ bor.
Kumba la ïathuh ki shipai ïada ri, la ong ba ka jingpynlong jong ki shipai ïa ka jingleit thwet lehnoh ka la long ha ka bynta kaba kyrpang ha kaba la pyndonkam da ki tiar kiba kham khlaiñ bor khnang ban lah ban ïakhun pyrshah ïa ki lehnoh.
U Colonel Manpreet Singh, uba long u Commanding Officer jong ka 19 Rashtriya Rifles, u Major Ashish Dhonchak, u Deputy Superintendent jong ka Jammu & Kashmir Police bad uwei pat u shipai u Humayun Bhat ki la shah pynïap ha ki lehnoh ha kane ka thaiñ ha ka jingjia kaba la jia ha ka sngi Balang jong ka taïew ba la lah.
