Agartala, Nailur:
Ki pulit jong ka Tripura hynnin ka sngi ki la thmu ban phah ïa saw ngut ki longkmie hakhmat ka ïingbishar kiba la shahkem ha ryngkat u Cannabis uba kot sha ka T. 2 lak.
Kumba la ïathuh ka tyllong khubor kaba la wan na ki pulit, la ong ba kine ki saw ngut ki briew ki dei kiba la shahkem ha Jogendra Nagar Railway Station kaba don ha Agartala ha ryngkat 22 kilo u Cannabis.
“Haba la ïoh jingtip shaphang ka jingdon jong ki briew kiba rah ïa u jingdih pynbuaid, ngi la pynlong ka jingthwet kaba jur bad ïoh ban kem ïa saw ngut ki longkmie kiba la thmu ban khaïi ïa u jingdih pynbuaid, uba la kot sha palat T. 2 lak, na Agartala sha Bihar. Kane ka jingpyntreikam ka la sdang ha ka sngi U Blei, hadien ba ki pulit ki la ïoh jingtip shaphang ka jingdon jong ki nongkhaïi drok ha Jogendra Nagar Railway Station, ha kaba khlem da pynslem la ïalam ïa ki sha College Tilla Police Outpost” la ïathuh ki pulit ha ki nongthoh khubor.
Ka tyllong khubor shuh shuh ka la ïtahuh ba ki la buh jingthoh ha kaba ïadei bad kane ka jingjia hapoh ka jingtreikam jong ka Narcotic Drugs and Psychotropic Substances (NDPS) Act pyrshah ïa kine ki saw ngut.
