Khliehriat, Nailur 19
Ka Khliehmyntriang SC bad ka Rymbai Madanpyn-riang SC ki dei ki kynhun ki ban ïaknieh ïa ka man lahduh jong ka lympung ïalehkai 3rd Division Football Tournament ba la pynïaid da ka East Jaiñtia Hills District Football Association (EJHDFA).
Kane ka la urlong hadien ba ka Khliehmyntriang SC bad ka Rymbai Madanpynriang SC ki la khur jingjop ha ka jingïakhun semi final kaba la long ha madan Artificial Turf Dieñshynrum, Khliehriat ha ka sngi Ba-ar.
Haba phai sha ka jingïakhun semi final kaba nyng-kong ka long kaba itynnad bad ïakhaid bha kat haduh ba ka kylla step bad kylla miet ki la kut noh khlem da ïoh ban thep kol. Dei tad hadien ba la rah ïa ka jingïalehkai sha ka extra time ba ka Khliehmyntriang SC ka la ïoh ban thep kol lyngba u Bring Dkhar (92) bad Arun Dkhar (102) kaba ka biang pura ïa ka Khliehmyntriang SC ba kan khur nam jop.
Haba phai sha kawei pat ka jingïakhun semi final kaba ar, ka Rymbai Madanpynriang SC watla ki rangïalehkai jong ka, ki ïoh red card ar ngut, hynrei namar ka jingkhlaiñ jong ki rangïalehkai dien, ka la lah ban pynliem ïa ka Moosianglamare New da 2-1 kol.
Ïa ka kol jong ka Moosianglamare New la thep da u Firstjoy Pariat ha ka minit kaba 5, katba ïa ki kol jong ka Rymbai Madanpynriang SC la thep da u Fighter Dkhar (16) bad u Donaldo Dkhar (57).
Ka jingïakhun final kan long ha ka 23 tarik mynta u bnai ha ka por 12 baje baje nohphai sngi.
