Chennai, Nailur:
Ka jingïakhih ha Bengaluru ba la khot pynlong da ki nongrep bad ki kynhun seng ka Kannada hynnin ka sngi ïa kaba la ïoh jingkyrshan na ka seng BJP bad JD(S) ban ïakhih pyrshah halor ka jingpyllait ïa ka um na ka wah Cauvery sha Tamil Nadu ka la long kaba jop, ki kam shakri paidbah ki la ïaid beit, hynrei ki la don pat tang khyndiat ngut ki briew kiba mih shabar ne leit jingleit.
Ka ‘Karnataka Jala Samrakshana Samiti,’ kaba long ka seng kmie jong baroh ki seng jong ki nongrep bad kiwei pat ki kynhun seng ba la lamkhmat da u nongïalam jong ki nongrep u Kuruburu Shanthakumar, ka la dep ba khot pynlong ïa ka jingïakhih kaba la long hynnin ka sngi ha Bengaluru naduh ka por 6 baje mynstep haduh ka por 6 baje janmiet.
U Shanthakumar bad kiwei pat ki nongïalam jong ka ‘Karnataka Jala Samrakshana Samiti ki la shahkem ha ki pulit ha Mysuru Bank Circle, naba ki la pyrshang ban pynlong ïa ka jingïakhih ban ïaid paidbah sha Town Hall.
Kiba bun ki nongbud jong ki seng ka Kannada ki la shah bom sha tied ha ki pulit ha Town Hall, naba ki la ïalum khrui halor ka jingthmu ban pynlong ïa ka jingïakhih.
