Pulwama, Nailur:
Ki la don baroh kumba 17,187 tylli ki dur blei thaw jong u Lord Ganesh bad ka blei Goddess Gauri ba la dep ban pynngam ha kiba bun ki wah bad ki um ha Mumbai ha ka sngi kaba 7 jong ka jingrakhe ïa ka jing-leh niam Ganpati kaba 10 sngi, la ïathuh ki heh ba dei khmih. Haduh ba la ïoh ban lum jingkheiñ haduh ka lah sngi U Blei, la ong ba ym pat ïoh jingtip ei ei ban don shuh shuh sa katno ka jingpyngam ïa kine ki dur mot ha ka jingrakhe lehniam haduh katei ka sngi.
Na ki 17,187 tylli ki dur mot, 15,243 tylli ki dei ki durmot jong u Ganesh, 1,758 tylli ki dei ki dur mot ‘sarvajanik (kiba long paidbah) bad 186 tylli jong ka Goddess Gauri, la ïathuh ki heh ba dei khmih. Na baroh 5,147 tylli ki dur mot la dep ban pynngam ha kiba bun ki pung ba la shu buh shipor ha kiba bun ki jaka jong ka nongbah, u la ong.
Ka jingrakhe lehniam kaba 10 sngi ïa kaba la tip kum ka Ganesh Festival ka la sdang ha Mumbai bad ha kiwei pat ki bynta jong ka jylla Maharashtra ha ka 19 tarik, Nailur. Ka jingpynngam ïa ki durmot blei thaw ka la long ha ki sngi bapher bapher jong ka jingrakhe lehniam kaba la sdang naduh ka sngi kaba ar. Kane ka jinglehniam kan sa kut ha Anant Chaturdashi ha ka 28 tarik, Nailur. Ka Brihanmumbai Municipal Corporation (BMC) ka la mang ïa kumba 69 tylli ki um bad ki wah bad buh ruh ïa kumba 191 tylli ki pung ba la tih ban pyndonkam shipor na ka bynta ka jingpynngam ïa ki blei thaw ha une u snem, la ïathuh ki heh ba dei khmih.
