Jaipur, Nailur:
Ka kynhun Enforcement Directorate ka la pynlong ïa ka jingleit khynra ha ka jaka sah jong u dkhot ka kynhun myntri jong u Myntri Rangbah ka Rajasthan u Ashok Gehlot, u Rajender Singh Yadav, uba la bat ïa ki kam ha ka tnat Higher Education, Planning, State Motor Garage, Home, bad Justice ha ka sorkar jylla, la ïathuh ka tyllong khubor.
U Yadav u la long u MLA na Kotputli ka jaka sor kaba don ha Jaipur, ha kaba ïa ka jingkhynra la pynlong ha kaba ïadei bad ka jingshah kynnoh donkti jong u ha ka jingklop tyngka na ka skhim Midday Meal ne ka jingbam sngi. Ka tyllong khubor ka la ïathuh ba baroh ar tylli ki kynhun tohkit kiba kynthup ïa ka ED bad ka Income Tax Departments ki la don bynta ban pynlong ïa ka jingleit khynra bad ka jingleit khmih bniah ïa ki kompeni ba ïadei kam bad u Yadav.
Kumba la ïoh jingtip la ong ba ki heh jong ka kynhun ED na Delhi ki la poi ha Kotputli, bad ki la don shibun tylli ki kali habar jong ka ïingsah jong u Rajender Singh Yadav.
