Bhopal, Nailur:
Ka seng BJP khlem da pynslem ka la pynbna sa ïa ka thup kaba ar jong ki kyrteng ki kyrtong ki ban ïakhun ïa ka ilekshon ha Madhya Pradesh.
Ka la long ka khubor kaba la pynlyngngoh kaba la long halor ka jingpyntreikam jong ka seng ha ka sien kaba ar ha ki 39 sngi, ha kaba ka seng BJP kaba bat ïa ka jingsynshar ka la wanrah da ka thup kyrteng jong ki 39 ngut ki kyrtong ki ban ïakhun ha ka ilekshon Assembly. Kine ki kyrtong ki kynthup ïa ki 7 ngut kiba dei ki MP kiba mynta ha Lok Sabha, kynthup ïa 3 ngut ki myntri ka sorkar kmie bad u National General Secretary jong ka seng u Kailash Vijayvargiya.
Da kane haduh mynta ka seng ka la dep ban pynbna ïa ki kyrteng jong ki 78 ngut ki kyrtong kaba long pyrshah ïa baroh 230 tylli ki konstitwensi ha ka jylla ba la synshar da ka na ka bynta ki 19 snem.
Hashwa kane, kata ha ka 17 tarik, ka seng BJP ka la dep ban pynbna ïa ka thup kyrteng kaba nyngkong jong ki 39 tylli ki kyrteng jong ki kyrtong ki ban ïakhun na ka bynta ka jylla, ha kaba ïa ka ilekshon la thmu la kumno kumno ban pynlong ha u bnai Naiwieng.
Kane ka jingpynbna paidbah ïa thup kyrteng ka la long khyndiat kynta hadien ba u Myntri Rangbahduh u la mih na Bhopal hadien ka jingai jingkren jong u ha ka Karyakarta Mahakumbh ka prokram ba la pynlong da ka seng.
