Ranchi, Nailur:
Ki la don kumba saw tylli ki kali kiba la shah thang bad ki nongtrei jong kawei ka karkhana riewshimet ki la shah thombor ha ka jaka ba la shna ïa ka lynti ïaid rel ha ki dkhot jong ka kynhun kaba la shah ñiew beaiñ ha ka sorkar ka CPI (Maoist) ha Chandwa kaba don ha Latehar ka bynta ba marjan bad ka khappud Ranchi ha ka janmiet jong ka Lah Sngi U Blei, la ïathuh ki pulit.
Kane ka jingjia ka la jia hajan ka jingkieng kaba nalor jong ka wah Chatti kaba hap hapoh ka jingkhmih jong ki pulit ka Chandwa, ki la bynrap. Ki pulit ki la ïathuh ba ka kynhun jong ki lehnoh Maoist ka la poi ha katei ka jaka bad thang ïa lai tylli ki kali bad ka SUV bad ha kajuh ka por ki la ktah kti ïa ki nongtrei.
Ki pulit ki la poi ha katei ka jaka bad sdang ban pynlong ïa ka jingtohkit. Kane ka jingjia ka la jia thik shi bnai hadien ba 6 tylli ki kali ki la shah thang bad arngut ki nongtrei jong ka kompeni shimet kaba la pyntreikam na ka bynta ka surok ki la shah thombor ha ki dkhot jong ka kynhun CPI (Maoist) ha Palamu distrik.
