Kohima, Nailur:
Ha ka por ba ka la don ka Rozgar Mela ha baroh kawei ka ri, u Myntri khynnah jong ka sorkar kmie uba dei khmih ïa ka tnat Petroleum and Natural Gas, bad kumjuh uba dei khmih ruh ïa ka tnat Labour & Employment, u Rameshwar Teli, u la sam ïa ki shithi thungkam sha ki 111 ngut ki nongthep kam kiba dang thymmai ha ka lympung ba la pynlong ha Dimapur, Nagaland.
Shuh shuh ki la don sa kumba 86 tylli ki shithi thungkam ba la phah lyngba ka Electronically lyngba ka Email. U Myntri ha ka jingai jingkren jong u, u la ong ba ka sorkar ka la ïaleh katba lah ban pynsted ha kaba ïadei bad ka jingpynbiang kam ïa ki samla jong ka lawei, ka la kyntiew ïa kito kiba seng kam lajong ba pynkup bor ïa ki samla jong ka ri hapoh ka jingïalam jong u Myntri Rangbahduh u Narendra Modi.
