New Delhi, Nailur:
Ka kynhun National Investigation Agency (NIA) hynnin ka sngi ka la pynlong ïa ka jingleit khynra sha kumba 36 tylli ki jaka ha kiba bun ki jylla kiba kynthup ha Punjab, Delhi, Haryana, Rajasthan bad Uttar Pradesh ha kaba ïadei bad ka jingtohkit halor ka jingdon jong ka jingïasuhbuit sniew pyrshah ïa ki runar, ki nongkhaïi mar tuh bad ki nong Khalistan, la ong ki heh ba dei khmih.
Ki heh ba dei khmih ki la ong shuh shuh ba kane ka jingkhynra ka dei shi bynta ban pyrshah ïa ki kynhun ba kyrshan ïa ka Khalistani Elements (PKEs) bad ki runar, kiba la donkti ha kiba bun ki kam pyntriem kynthup ha kaba ïadei bad ki kam pynïap briew, ka jingthombor ïa ki ïing sorkar, ki kam dawa pisa, ki kam khaïi tuh ïa ki tiar siat bad ki drok na ki bynta khappud bad leh ruh ïa ki kam pyntriem kiba long pyrshah ïa ka ri India ha kiwei pat ki ri kum ha Canada, UK, US bad Australia. Ka jingtohkit jong ka kynhun NIA pyrshah ïa kine ki kynhun ka dang ïai bteng bad nangne shakhmat yn sa nang bteng shuh shuh ïa ki jingleit khynra.
