Lucknow, Nailur:
Ki la don kumba 19 ngut ki briew kiba la shahkem halor ka jingshah kynnoh jong ki ba ki la kawang maw ha ka por ba la don ka Eid-e-Milad an-Nabi Procession ha Kushinagar kaba don ha Uttar Pradesh ha ka 28 tarik, Nailur.
Ha ka por ba la don ka jingïaid riewblei, la ïohi ba ki la don kumba katto katne ngut ki briew kiba la kawang maw ïa kawei ka ïing kaba don ha katei ka thaiñ.
Ka Video halor kane ka jingjia kaba la saphriang kylleng ha ka Social Media, ka la wanrah ïa ki kynrum kynram hapoh ka thaiñ.
Kiba bun na kiba la ïashim bynta ha ka jingïaid riewblei ki la phet na katei ka jaka mar ïapoi ki pulit. Ha kaba ïadei bad ka jingjia, u Superintendent of Police, u Dhawal Jaiswal, u la ong ba ki la don kumba 6 ngut ki briew kiba la shahkem halor ka jingshah kynnoh donkti jong ki ha kane ka jingjia.
Kham hadien na ka jingkhmih bniah lyngba ki CCTV Camera, ki pulit ki la ïoh ban kem shuh shuh ïa ki briew ha kaba haduh ba la thoh ïa ka khubor ki la don baroh 19 ngut kiba la shah kynnoh ba ki la wanrah ïa ka jingïakynad.
