Chandigarh, Risaw:
Ka Haryana State Pollution Control Board (HSPCB) ha kine ki khyndiat sngi ba la dep ka la pyntreikam da ka Environment Compensation Fee kaba palat T. 1 klur halor ka Municipal Corporation of Gurugram (MCG) namar ka jingpynsahteng ban kit ïa ki jaboh na ka jaka ba don ka Dispensary kaba la shah pynpra ha Malibu Towne ïa kaba la pynlong jaka sah briew ha Sohna Road.
Kum ka jingpynngat ba ka dei ka jingleh jong ka kynhun Civic Agency ba ka la pynkheiñ ïa ki kyndon ba la buh bad pynduh jong ka Management Rules, 2006, ka HSPCB ka la ai por ïa ka MCG da kumba 7 sngi na ka bynta ban siew ïa ka kuna.
Ïa kane ka jingpyntreikam la shim da ka jingai hukum jong ka National Green Tribunal (NGT), ha kaba ka la bthah ïa ka Pollution Control Board ba kan khmih bniah la ka Civic Agency ka la pynkheiñ ne em ïa ki kyndon jong ka C&D ha Malibu Towne, kumba la kynnoh da uwei napdeng ki nongshong shnong ha ka jingmdui ba la dep ban bishar bniah.
Uwei u nongshong shnong ïa uba la tip kyrteng kum u Raman Sharma u la batai bniah ha ka jingmudui ïa ka NGT ba ïa ki jaboh ba la kit na ki jaka shna ïing la leit theh ha ka Colony bad ïa ki Diesel Generator la pyntreikam ha ka rukom kaba la pynkheiñ ïa ki kyndon.
